Skip to content

Вести

Alfa Romeo Tonale ќе биде прв модел кој ќе користи заеднички ресурси на FCA и PSA

Новиот SUV на италијанскиот бренд првично беше планиран со платформата на Jeep Renegade и Compass, но со новата ситуација, Tonale ќе ја користи CMP платформата која француската групација веќе ја користи за повеќе модели, меѓу кои и новиот Peugeot 208

27/12/2019

Новиот автомобилски гигант кој го создадоа PSA Groupe и FCA најавува позитивен ефект од здружувањето, пред се во размената на платформи, технологии и иновации, како и намалување на трошоците кои влијаат на профитабилноста.

Според очекувањата, брендовите на двете групации во иднина ќе користат само неколку платформи, а прв автомобил кој ќе биде (до)развиен заеднички ќе биде Alfa Romeo Tonale.

Новиот SUV на италијанскиот бренд првично беше планиран со платформата на Jeep Renegade и Fiat 500X, но со новата ситуација, Tonale ќе ја користи CMP платформата која француската групација веќе ја користи за повеќе модели, меѓу кои и новиот Peugeot 208.

Тоа ќе значи дека Tonale ќе биде подготвен и за електрична изведба, а ќе ги добие и останатите предности на платформата за мали автомобили, која се покажа како одличен производ на PSA, a овозможува и електрификација.

Експертите очекуваат и од двете страни да останат модели кои користат стара платформа, а кај FCA тоа би требало да бидат брендови како Ram, Chrysler и Jeep, чии поголеми модели имаат специфична основа. Новиот, електричен Fiat 500 нема да биде под влијание на здружувањето бидејќи неговиот развој е во напреден процес и тој ќе користи модифицирана FCA платформа за сегментот на мали автомобили.

Продажбата на Alfa Romeo Tonale треба да започне во 2022 година.

Најнови содржини

Slider
Slider
Slider
Slider
Slider

Send this to a friend