Новите бензиски, дизел и хибридни автомобили во просек трошат за 5,4% повеќе од тоа што е наведено во WLTP спецификациите не производителите.

Откако WLTP форматот за утврдување на потрошувачката го замени NEDC, дефинитивно се добиваат пореални бројки, но истражувањето на Whatcar? покажало дека и натаму има отстапување.

Британскиот медиум тестирал 56 нови модели за да ја направи анализата, а истата покажала разлика меѓу автомобилите, па некои од нив дури биле и поефикасни во однос на бројките од фабричките најави.

Дел од тестираните модели стигнале и до 15% помала просечна потрошувачка од најавената, додека кај оние што имале негативно отстапување, стигнувале и до 20% поголема потрошувачка.

Во минатото Whatcar? направи идентична анализа на 159 модели, но според NEDC протоколот, а тогаш медиумот забележа негативна просечна отстапка од дури 20,2 проценти.

Кај тие резултати беа утврдени отстапки и до 40 проценти, па затоа последната анализа е добра потврда за напредокот во однос на точноста на WLTP спецификациите кои ги истакнуваат производителите.

Модели кои покажале помала потрошувачка во однос на најавата на производителот: