Slide

Вести

Анализа во земјите од ЕУ: Користените автомобили се најевтини во Италија

Slide

16/01/2020

Купувањето користен автомобил во рамките на Европската Унија носи дополнителна дилема, а тоа е земјата каде треба да се инвестира за да се добие најдобрата цена за одреден модел.

Во последната анализа на „Аутоскаут24“ се опфатени седум пазари од ЕУ, а просечните цени откриваат кои земји овозможуваат најмала инвестиција во половен автомобил.

Анализата вели дека цените на користените автомобили се зголемиле во 2019 година, а разликите во цените меѓу различни земји можат да бидат изразени и со поголеми суми. Најевтин пазар е италијанскиот, а во просек најмногу плаќаат Французите.

Францускиот пазар останува најскап и таму просечната цена на користените автомобили е 22.995 евра, во Германија сумата е 18.337 евра, а најниската просечна цена е забележана во Италија (14.446 евра), иако и во оваа земја просекот скокнал за 3,2 проценти во 2019 година.

Најатрактивни за купувачите на користени автомобили се оние кои се користени околу една година, а Европјаните во таква ситуација треба да инвестираат во Шпанија каде просечната цена е 28.630 евра, а во конкуренција на седумте земји најскапо се плаќа во Холандија (35.193 евра).

Автомобилите стари меѓу една и три години се најевтини во Италија (22.700 евра) а најскапи во Австрија, а Французите плаќаат најмногу за примероците стари меѓу три и пет години (20.258 евра во просек). Италијанскиот пазар има најниска просечна цена и за автомобилите групирани во категориите над пет години, – вели истражувањето на „Аутоскаут24“.

Од истото се извлекува и заклучокот дека заинтересираните купувачи за јангтајмери (20-30 години) треба да ги разгледуваат најпрвин понудите на холандскиот пазар каде има најповолни цени.

Slide
Slide

Најнови содржини

Renault започнува нова интернационална офанзива без својот јапонски партнер Nissan
Германските производители нема да учествуваат на престојното Geneva Motor Show 2024
MINI започнува со примената на агенцискиот продажен модел во Европа
Втората генерација на BMW X2 е подолга, повисока и поширока споредено со првата, а добива и електрична изведба