При комплетната транзиција од возила со мотори со внатрешно согорување кон електрични возила, Audi го менува начинот на кој фабриките ги произведуваат возилата, концентрирајќи се на постигнување на карбонска неутралност.

Започнувајќи од 2025 година, производството во сите фабрики на Audi ќе биде карбонски неутрално, согласно иницијативата  Mission: Zero, која беше претставевна во 2020 година.

Амбицијата е во линија со ултимативната цел, а тоа е комплетно напуштање на производство на возила со мотори со внатрешно согорување до 2033 година.

Фабриката на Audi во Брисел, каде што се произведува Q8 E-tron, каде кон крајот на годинава ќе започне да се произведува помалиот Q4 E-tron, е карбонски неутрална уште од 2018 година.

Летово во истата фабрика ќе се воведе нов систем на водоснабдување кој ќе овозможи заштеда на 100,000 кубни метри свежа вода на годишно ниво.

На кровот на фабриката се наоѓаат соларни панели кои може да генерираат електрична енергија од 9.7 мегавати. Овие панели, кои се инсталирани пред една деценија, генерираат околу 13% од вкупната потрошувачка на електрична енергија потребна за процесот на производство. Се случува во некои посончеви денови, овој процент да се искачи и на 50.