Slide

Вести

BMW го произведе последниот примерок на i8

Slide

16/06/2020

Фабриката на BMW во Лајпциг беше локацијата каде изминатите шест години, германскиот бренд го произведуваше плаг-ин хибрид моделот i8.

Со последниот примерок во специјална сина боја и персонализација според изборот на купувачот, затворено е едно успешно поглавје, со кое BMW го најави својот сериозен влез во ерата на електрификација.

Дизајнерите и инженерите на BMW го искористија овој автомобил за да споделат дел од иновативните технологии кои помогнаа i8 да биде успешен и да се произведе во над 20.000 примероци.

Неговиот специфичен спортски дизајн беше поддржан од специјална алуминиумска шасија и употреба на јаглеродни влакна, па целата конструкција на i8 претставуваше еден вид предизвик за ривалите.

Посебен специјалитет на BMW i8 беше и хибридниот погон, во кој беше вметнат 1.5-литарски бензински мотор и погон кој неколку години по ред беше прогласуван за интернационален мотор на годината во рамките на сегментот според зафатнината.

Фабриката во Лајпциг го заокружи производството со последните 18 примероци кои биле автентично персонализирани во рамките на барањата на купувачите, со што е комплетирана успешната приказна на i8, кој сега остава простор за своите наследници во електрифицираната гама на BMW.

Slide
Slide

Најнови содржини

Renault започнува нова интернационална офанзива без својот јапонски партнер Nissan
Германските производители нема да учествуваат на престојното Geneva Motor Show 2024
MINI започнува со примената на агенцискиот продажен модел во Европа
Втората генерација на BMW X2 е подолга, повисока и поширока споредено со првата, а добива и електрична изведба