Вести
Електричнот Fiat 500 освои две награди од британски „What Car?“
Британската автомобилска платформа „What Car?“ ги додели признанијата за најдобри автомобили по класи за 2021 година, индиректно советувајќи ги своите посетители и читатели за нивниот избор на нов автомобил годинава.
Новата, целосно електрична генерација на Fiat 500 освои две награди, односно малиот италијански заводник е прогласен за Најдобар мал електричен автомобил и Најдобар кабриолет за 2021 година.
Во објаснувањето за причините поради кои Fiat 500 е прогласен за најдобар електричен автомобил во својата класа се потенцира фактот дека оваа верзија на италијанската легенда има многу поголема автономија од ривалите како Mini Cooper SE и Honda e, a поради димензиите има и најмал круг на вртење.
Експертите на „What Car?“ сметаат дека и покрај повисоката цена, електричниот Fiat 500 е подобра опција за купување и од mild hybrid изведбата на претходната, а се уште актуелна генерација на овој модел.
Електричниот Fiat 500 располага со автономија од 320 километри, моќност од 118 коњски сили, а на брз полнач стигнува до 80 проценти од батеријата за само 35 минути.
Повеќе содржини за Fiat:
Најнови содржини
