Slide

Вести

Европските автомобилски производители остварија рекордни профити во 2022, лидер е BMW

Slide

BMW забележа најголема нето добивка, вкупно 18.6 милијарди евра, по што следува Stellantis со 16.8 милијарди евра, VW со 15.8 милијарди евра и Mercedes со 14.8 милијарди евра. (Оливер Зипсе, извршниот директор на BMW за време на годишното обраќање.)

03/04/2023

Повисоките продажни цени овозможија зголемување на добивката на најголемите автомобилски групации во Европа и покрај тоа што во 2022 година не се забележа раст на бројот на продадени автомобили.

Шесте најголеми европски автомобилски производители и групации, помеѓу кои се BMW Group, Mercedes-Benz, Renault Group, Stellantis, Volkswagen Group и Volvo Car, забележаа 22% зголемување на добивката во 2022 година, споредено со 2021 година.

Овие шест групации забележаа вкупна добивка од 67.8 милијарди евра. Најголем дел од нив отпаѓаат на најголемите четири групации. BMW забележа најголема нето добивка, вкупно 18.6 милијарди евра, по што следува Stellantis со 16.8 милијарди евра, VW со 15.8 милијарди евра и Mercedes со 14.8 милијарди евра.

Сепак, резултатите на BMW не се комплетно споредливи со оние на останатите автомобилски производители. Имено, минатата година во рамки на групацијата се прикажуваат и резултатите на кинеското заедничко вложување BMW Brilliance, со оглед на фактот што минатата година BMW го зголеми својот удел од 50 на 75%. 

Според BMW, најголемиот раст во прикажаната добивка е резултат на оваа промена во прикажувањето.

Volvo Car, групација во сопственост на кинескиот Zhejiang Geely Holding, забележа недо профит од 1.6 милијарди евра, додека Renault забележа мала загуба од 700 милиони евра, по затворањето на руската дивизија, AvtoVAZ.

Slide
Slide

Најнови содржини

Renault започнува нова интернационална офанзива без својот јапонски партнер Nissan
Германските производители нема да учествуваат на престојното Geneva Motor Show 2024
MINI започнува со примената на агенцискиот продажен модел во Европа
Втората генерација на BMW X2 е подолга, повисока и поширока споредено со првата, а добива и електрична изведба