Slide

Новитети

Фејслифт на ID.3 – отсега сопствениците ќе може да доплаќаат за функционалности преку онлајн продавница во самото возило

Slide

Купувачите ќе ја добијат и најновата (3.0) верзија на софтверот која овозможува поголем опфат на безжични надградби.

03/03/2023

Неколку години по ласнирањето, Volkswagen го промовираше и сеопфатниот фејслифт на комплетно електричниот ID.3 модел.

ID.3 e првиот модел поставен на MEB платформата развиена од VW Group, а беше лансиран во 2020 година. 

“Систематски ги воведовме барањата на купувачите”, изјави Имелда Лабе, директор на VW за продажба и маркетинг.

Визуелно, се забележува воведување на поконвенционален изглед со нов браник, а отстранети се пластичните лајсни од подножјето на ветробранското стакло.

Порафинираниот пристап кон дизајнот се забележува и во внатрешноста, каде се забележуваат помеки површини, кои се преземени од поголемиот ID.4. 

Купувачите ќе ја добијат и најновата (3.0) верзија на софтверот која овозможува поголем опфат на безжични надградби. 

Измените во однос на интерфејсот вклучуваат редизајн на екранот, попрегледно мени, а идните сопственици на ID.3 ќе можат да купуваат услуги преку онлајн продавницата, помеѓу кои е и адаптивниот темпомат.

Опционално достапниот Travel Assist овозможува возилото да ги синхронизира податоците со централен систем, доколку во возилото има интернет конекција. Оваа двонасочна размена на податоци ќе овозможи подобро функционирање на системите за асистенција при возењето.

Возилото ќе користи податоци за мапирање преземени од други возила на групацијата, а најавено е подобро центрирање на возилото во коловозната лента и во случаите кога само една од страните на лентата е јасно обележана.

Slide
Slide

Најнови содржини

Продажбата на електрични изведби во сегментот на мали SUV возила стагнира поради намалените субвенции во дел од европските држави
Според Лука де Мео, строгата Еуро 7 норма ќе ја врати автоиндустријата назад кон инвестиции во мотори кои немаат иднина
Автомобилските производители продолжуваат со пренамена на своите фабрики во Обединетото Кралство и покрај промените во регулативата
Во првите 8 месеци од годината, VW Group и Tesla ја предводат електрификацијата во Европа