Германскиот премиум производител во рамки на VW Group, неодамна ги претстави промените кои ги воведува на половина од генерацискиот циклус на третата генерација на својот голем спортски SUV, моделот Porsche Cayenne.

И како што е соодветно за фејслифт во 2023 година, Porsche воведува промени во корисничкиот интерфејс, преземајќи концепти од својот деби електричен модел – Taycan.

Така, купувачите на фејслифтот ќе добијат комплетно дигитална инструмент табла со 12.6 инчи големина, а десно од неа визуелно е интегриран и централно поставениот екран осетлив на допир.

Но, тука не завршуваат екраните. Сега е воведен и екран наменет за совозачот, на кој во некои земји ќе може да се проектираат и видеа, филмови и слично.

Од производителот не пропуштаат да ги нагласат HD Matrix LED предните светла, кои отсега ќе имаат по 32,000 пиксели по светло. Оттука и “HD” додавката во брендингот на светлата.

Хибридната изведба на Cayenne овозможува електрична автономија од 90 километри. Овој хибрид има системска сила од 346 kW.