Slide

Новитети

Ferrari го надгради Portofino со повеќе моќ и нова трансмисија

Slide

Она што посебно ќе ги израдува фановите е фактот што Portofino M добива ревидиран V8 мотор кој сега стигнува до 620 коњски сили, а вметната е и осум-степена трансмисија со двојна спојка како дериват од помоќниот SF90 Stradale

17/09/2020

Првата целосно дигитална премиера во историјата на Ferrari беше реализирана за претставувањето на моделот Portofino M.

Се работи за еволуција и надградба на досегашниот Portofino, автомобилот кој е кабриолет, но како што велат од Ferrari и најдоброто купе меѓу кабриолетите поради тврдиот покрив кој го дава посакуваниот ефект.

Она што посебно ќе ги израдува фановите е фактот што Portofino M добива ревидиран V8 мотор кој сега стигнува до 620 коњски сили, а вметната е и осум-степена трансмисија со двојна спојка како дериват од помоќниот SF90 Stradale.

Со помош на новата трансмисија, Portofino M ќе понуди уште подобри перформанси и помала потрошувачка, додека Ferrari вметна и филтер за тврди честички за автомобилот без проблеми да ги исполнува 6D нормите.

Manettino контролерот за режим на возење доаѓа со пет опции, вклучувајќи ја и новата Race опција, а зголемен е и бројот на безбедносните системи кои му се достапни на возачот.

Дизајнерските промени се минимални и поврзани пред се со промени на браниците, издувниот систем и дифузерите, со што се добива потрендовски израз, кој има позитивно влијание и врз аеродинамиката.

Почетната цена за Ferrari Portofino M е нешто повеќе од 200.000 евра.

Slide
Slide

Најнови содржини

Mercedes ќе го намали бројот на дилерствата, во процесот на транзиција кон агенциски модел на продажба
Volkswagen започна да прима нарачки за електричниот ван ID. Buzz, првите испораки – на есен
Презентација на 10 електрифицирани модели од Opel и Peugeot – два од брендовите на Stellantis групацијата
Mercedes за електричната G-Class ќе користи нови батерии со силициумски, наместо графитни аноди