Slide

Вести

Hyundai цели кон двоцифрени маржи по воведувањето на новата платформа во 2030 година

Slide

Планот на менаџментот на Huyndai е на новите електрични модели да успее да оствари маржа од 10 проценти.

21/06/2023

Hyundai Motor ќе лансира нова платформа за електрични возиал која ќе ја замени постоечката, а истовремено ќе влијае на зголемување на профитните маржи на електричните возила.

Обидот за зголемување на профитабилноста, значаен за овозможување производството на електрични возила да стане одржлив бизнис модел, ќе значи производство на електрични возила во исти фабрики заедно со оние со внатрешно согорување.

Производителот, под кој се водат брендовите Hyunai и Genesis, истовремено ќе лансира и нова генерација на батерии. Како и останатите конкуренти, овие ќе бидат литиум-железо фосфатни батериски ќелиии.

Новата стратегија предвидува значителен раст на обемот на продажби и ефикасно производство кое ќе овозможи намалување на трошоците. 

Планот на менаџментот на Huyndai е на новите електрични модели да успее да оствари маржа од 10 проценти.

Јаехон Чанг, извршниот директор на Hyundai ја образложи визијата за време на годишната презентација за инвеститорите. 

Според планот, во следните 10 години производителот ќе инвестира безмалку 30 милијарди евра во електрификација. Сегашните очекувања се до 2030 година да се продадат 2 милиони електрични возила од брендот Hyundai. 

Овие таргети се слични со оние на сестринскиот бренд Kia, од каде се очекуваат 1.6 милиони продажби во истата временска рамка.

Интересно, но вкупната проекција на групацијата од 3.6 милиони продадени електрични возила до 2030 година е слична на онаа на јапонскиот ривал Toyota, и воедно најголем светски производител, кој проектираше 3.5 милиони продажби на електрични возила до 2030.

Slide
Slide

Најнови содржини

Renault започнува нова интернационална офанзива без својот јапонски партнер Nissan
Германските производители нема да учествуваат на престојното Geneva Motor Show 2024
MINI започнува со примената на агенцискиот продажен модел во Европа
Втората генерација на BMW X2 е подолга, повисока и поширока споредено со првата, а добива и електрична изведба