Slide 1

Новитети

Jeep ги врати на сцената Wagoneer и Grand Wagoneer

Slide 1

12/03/2021

Американскиот гигант Jeep уште одамна потврди дека планира да го врати моделот Wagoneer на автомобилската сцена, а концептот кој беше претставен најавуваше дека производителот веќе го има конечниот проект за моделот кој ќе влезе во сериско производство.

Од денеска, понудата на Jeep е збогатена за Wagoneer и Grand Wagoneer, кои имаат иста основа, седум седишта и сличен изглед, но ќе имаат различни амбиции.

Додека Wagoneer ќе се бори со ривалите на мас брендовите, Grand Wagoneer доаѓа со повеќе премиум елементи и атрибути и помоќен мотор, а амбициите се да им одземе купувачи на брендови како Lincoln, Cadillac и Lexus.

Традицијата и препознатливите елементи имале важна улога во формирањето на дизајнот на екстериерот и ентериерот на двете изведби, па покрај надворешниот изглед кој потсетува на класичен Jeep, во кабината се задржани ретро моменти, како и детали изработени од дрво.

Wagoneer ќе располага со 10,3, додека Grand Wagoneer со 12,3-инчна дигитална инструмент табла, двете изведби добиваат централен екран со најновата, петта генерација на инфо-забавниот систем Uconnect, додека кај поскапиот Grand W. се добива екран и пред совозачкото седиште.

Jeep Wagoneer добива 5.7-литарски V8 мотор со 392 коњски сили и 548 Nm, a покрај осум-степенат трансмисија, купувачите ќе имаат можност да изберат меѓу три вида на погонот на сите тркала.

Од друга страна, Grand Wagoneer оди подалеку во однос на перформансите, со помош на 6.4-литарскиот мотор со V8 конфигурација, кој ослободува 471 кс и 617 Nm и е поврзан со 8-степена трансмисија и Quadra-Trac 2 погон на сите тркала.

Највисокото ниво на опременост кај Wagoneer и сите верзии на Grand Wagoneer добиваат и McIntosh аудио-систем, кој дебитираше кај Grand Cherokee.

Повеќе содржини за Jeep:

Slide 1
Slide 1
Slide 1
Slide 1
Slide 1
Slide 1

Најнови содржини

Renault ќе го замени Kadjar со Austral – нов компактен SUV кој ќе има и плаг-ин хибридна изведба
Караван изведбата на Opel Astra ќе атакува на позицијата на Skoda Octavia – бестселерот во сегментот во Европа
Porsche во 2024 ќе ги лансира новите батерии со силициумски аноди и 10 пати поголема енергетска густина
Stellantis ја зголеми автономијата на електричните модели на Opel и Peugeot преку нови пневматици од Continental