Peugeot и Opel годинава ќе лансираат свои електрични караван изведби, по нив ќе следат VW, Skoda, Audi и BMW.

Серија на најавени лансирања на електрични караван изведби дава дополнителен импулс на зголемувањето на сегментот на електрични возила во Европа.

Еден од главните адути на овие каросериски изведби е подобрата аеродинамика споредено со SUV моделите.

Продажбата на караваните порасна за 7.6% во првиот квартал од годината, а растот е резултат во најголема мера на добрата продажба на моделите Skoda Octavia и VW Passat.

Најдобро продаван караван во Европа останува Skoda Octavia, со дури 75% учество во сите продажби на моделот.

По него следува VW Passat. Интересен е фактот што доколку се анализираат најпродаваните 10 караван изведби во Европа овие изведби најчесто се прв избор на купувачите. На пример, 80% од продадените Audi A4 во првиот квартал се караван изведби, додека кај BMW 3 Series, овој процент изнесува 71.