Slide

Вести

Компанијата-сопственик на Volvo лансираше 9 сателити во орбитата, кои ќе служат за попрецизно GPS позиционирање

Slide

Geely очекува лансирање на уште 63 вакви сателити до 2025, а како крајна цел е формирање на мрежа од 240 сателити.

03/06/2022

Групацијата Geely во средата го спроведе своето прво успешно лансирање на сателити, испраќајќи девет од нив во орбитата околу земјата. 

Ова лансирање е дел од напорите на кинеската групација да креира своја мрежа од сателити, со цел овозможување на попрецизна навигација за автономните возила.

Сателитите GeeSAT-1, кои се произведени од самата групација, беа лансирани од Чичанг лансирниот центар во југозападната провинција Сичуан, во Кина.

Geely очекува лансирање на уште 63 вакви сателити до 2025, а како крајна цел е формирање на мрежа од 240 сателити.

Со ова лансирање, Geely станува вториот голем автомобилски производител кој има свои сателити во орбитата на Земјата.

Американската компанија SpaceX, која е во сопственост на Илон Маск, има повеќе од 2,000 сателити, како дел од неговата Starlink мрежа. Starlink веќе нуди комерцијални интернет услуги, најчесто за руралните средини, каде се недостапни кабелскиот и интернетот кој го продаваат мобилните оператори.

Но, за разлика од SpaceX, компанија која користеше свои ракети за лансирање на сателитите, Geely за лансирање на своите 9 сателити користеше ракета по име 2C, развиена од страна на кинеска државна компанија.

Како дополнување на високопрецизна навигација, овие сателити ќе имаат и други функции. Од компанијата известуваат дека овие сателити имаат животен век од 5 години, по што ќе се самоуништат без да остават отпад во вселената.

Инаку, шведскиот премиум производител Volvo, од 2010-тата година е во сопственост на Geely Holding, групација која беше формирана во 1997 година, а во нејзини рамки спаѓаат и брендовите Geely Auto, Lynk & Co, Proton Cars и Geometry.

Slide
Slide
Slide 1

Најнови содржини

Volvo наскоро ќе започне произведува каросерии од само неколку големи алуминиумски парчиња
Новата платформа за електрични автомобили на BMW во 2025 ќе ги замени актуелните CLAR и UKL платформи
Volvo во 2026 ќе отвори нова фабрика за производство на електрични автомобили во Словачка
Jaguar го зголеми гарантниот период на 5 години или 150,000 изминати километри