Slide

Стории

Мапа на фабрики: Во Европа се произведува на 298 локации

Slide

14/09/2020

Автомобилските производители мораа да менуваат дел од своите стратегии влегувајќи во процесот на електрификација, но и реструктуирање кое беше наметнато од новите услови во индустријата.

Промена на локации на производство на одредени модели, реновирање и целосно менување на типот на автомобили кои се произведуваат во одредена фабрика, па за жал и најави за затворање на дел од фабриките се информации кои се постојано актуелни во браншата.

Во оваа 2020 година коронавирусот испровоцира дополнителни изнудени одлуки на менаџментот на компаниите инволвирани во авто-индустријата, што донекаде може да значи и менување на европската мапа на производствени капацитети.

Но, она што е официјално и е поврзано со 2019 година, покажува дека во цела Европа функционирале вкупно 298 фабрики за автомобили, комерцијални возила, камиони, автобуси, но и производство на мотори за нив.

Дури 226 од нив се наоѓаат во земјите од Европската Унија и Велика Британија, а очекувано на врвот е Германија со 42 фабрики на својата територија. На второто место е Франција со 31 фабрика, Британците имаат 30, додека надвор од ЕУ+ВБ зоната, се издвојува Русија со 30 фабрики.

Вкупно 142 фабрики се наменети за производство на патнички автомобили, по 58 има за камиони и автобуси, 38 се специјализирани за комерцијални возила, а во 71 фабрика се произведуваат само мотори како делови од погонската единица.

Во нашето опкружување, според податоците на ACEA, Србија, Хрватска и Романија имаат по 3 фабрики, додека Турција останува на важна позиција со дури 17 фабрики на својата територија.

Европската Унија (заедно со Велика Британија) во 2019 година произвела 18,5 милиони возила, од кои 85,4 проценти се патнички автомобили. Најголема продукција имала Германија со над 4,6 милиони возила, по што следуваат Шпанија со 2,2 и Франција со 1,6 милиони.

 

Slide
Slide

Најнови содржини

Renault започнува нова интернационална офанзива без својот јапонски партнер Nissan
Германските производители нема да учествуваат на престојното Geneva Motor Show 2024
MINI започнува со примената на агенцискиот продажен модел во Европа
Втората генерација на BMW X2 е подолга, повисока и поширока споредено со првата, а добива и електрична изведба