Slide 1

Новитети

Mercedes C-Class доби повеќе луксуз и електрифицирани погонски единици

Slide 1

23/02/2021

Комбинацијата на електрифицирани погонски единици и дополнителна доза луксуз и напредни технологии се основата на новата генерација на Mercedes C-Class.

Германците имаат продадено над 10 милиони примероци во својата класа, а шестата генерација на C-Class ќе ја продолжи традицијата со којa Mercedes го има еден од најпосакуваните модели меѓу седаните од средната класа.

Дизајнерската еволуција носи посакувано освежување, па седанот и комбито кои истовремено ќе се појават на пазарот, добиваат одлична стартна позиција во споредбата со главните премиум ривали.

Седанот на C-Class е подолг за 65 милиметри, поширок за 10 милиметри, а меѓуоскиното растојание порасна за 25 милиметри, што значи повеќе простор за патниците на задната клупа. Капацитетот на багажникот останува непроменет, односно 455 литри.

Она што е посебно важно за автомобилот е што ја добива најновата генерација на MBUX интелигентниот инфо-забавен систем, кој дебитираше неодамна со новата генерација на поголемата S-Class.

Toa подразбира дигитална инструмент табла (10,25 или 12,3-инчна) и централен екран кој во сериската опрема е 10,25-инчен, а MBUX обезбедува и надградба на системот преку интернет мрежата.

Сите мотори се благи хибриди, односно доаѓаат со 48V технологија, а почетната изведба е со 1.5-литарски бензински мотор со 170 или 204 коњски сили, C300 ознаката ќе значи 2.0-литарски мотор со 258 кс, додека 2.0-литарските дизел мотори се со 200 и 265 коњски сили.

Mercedes најави дека наскоро C-Class ќе биде достапна и како плаг-ин хибрид ветувајќи напредна погонска единица.

Повеќе содржини за Mercedes:

Slide 1
Slide 1

Најнови содржини

VW Taigo распознава пешаци и велосипедисти и автономно сопира при брзини до 210km/h
Кабриолет изведбата на Fiat 500 пристигна во салонот на Fiat во Скопје
Електрификацијата ќе предизвика намалување на бројот на вработени во автомобилските компании
Илон Маск ќе им овозможи на конкурентите да ја користат мрежата на брзи полначи на Tesla