Менаџментот на Mercedes-Benz неодамна го вклучи својот F1 тим во инженерскиот развој на поефикасни продукциски електрични автомобили.

Резултатите на овој потег се скусување на времето за развој за околу 25%, што на германскиот премиум производител му овозможува приближување на развојот до оној на Tesla.

И досега технологијата која се воведува во F1 подоцна го наоѓала своето место во масовно произведените автомобили, но она што Mercedes сака да го направи, е соработката да овозможи овој процес да се одвива паралелно.

Идејата е F1 експертизата да се користи директно во развојот на електричните автомобили.

Минатата година Mercedes го претстави концептот EQXX, супер-ефикасен електричен автомобил со автономија до 1,200 километри со едно полнење на батеријата. Токму овој концепт е резултат на соработката на производителот со својот F1 тим во Англија.

За развојот на EQXX биле потребни 18 месеци, а дел од таа технологија ќе стигне и во продажните салони по 2024 година преку нејзино интегрирање во идните продукциски модели на брендот.