За само неколку дена од сега, односно започнувајќи од октомври, германскиот премиум производител Mercedes ќе ја активира својата Drive Pilot функционалност во Калифорнија и Невада.

Функционалноста ќе се нуди како дополнителна годишна претплата, а цената за годишна претплата при лансирањето ќе биде 2,500 американски долари.

Функционалноста, која доби дозвола за активација во двете сојузни држави во САД, на почеток ќе се нуди кај неколку од најновите модели на брендот, како што е EQS.

Следната година, функционалноста ќе може да ја активираат и сопствениците на S-Class.

Drive Pilot функционалноста всушност овозможува компјутерскиот систем да ја преземе контролата врз возилото во одредени услови, овозможувајќи му на возаот да се концентрира на други активности, како на пример читање книга или пишување на пораки.

Но, системот може во било кој момент да побара од возачот да ја преземе контролата врз возилото. Доколку за 10 секунди тој не одговори на барањето, системот ќе го сопре возилото.

Според интернационалниот стандард за 6-те нивоа на автономно управување, третото ниво, во кое спаѓа и Drive Pilot, овозможува функционирање на автопати на брзини до 65 километри на час.

Системот користи радар, LiDAR, камери и ултра звучни сензори преку кои добива информации за околината околу возилото.