Во обидот да ја подобри својата позиција на американскиот пазар, Mini може да ја трансформира следната генерација на Clubman во уште еден SUV во својата понуда.

Досегашното искуство на продажната мрежа на Mini во САД покажува дека единствениот SUV, моделот Countryman е премал за американските купувачи, па британскиот производител може да размислува да го направи Clubman нешто поголем SUV со кој ќе се поправи од овој аспект.

Останува опцијата и Clubman да остане во понудата, а во неа да биде додаден уште еден модел, кој всушност ќе биде поголем кросовер од Countryman.

Британскиот магазин „Аутокар“ шпекулира и дека Mini може да се откаже од својата хечбек изведба со три врати и тоа веќе во 2022 година, за кога е најавена новата генерација на основниот модел.

Одговорните ветуваат дека новиот Mini ќе биде многу понапреден и технолошки поткован со многу иновации, но и дека централната конзола во кружна форма останува негов заштитен знак.