Slide 1
Slide 1

Новитети

Mitsubishi го лансираше новиот Outlander преку Amazon

Slide 1
Slide 1

17/02/2021

Mitsubishi официјално ја претстави новата генерација на Outlander, а јапонскиот бренд е и прв кој промоцијата ја реализираше преку стриминг сервисот Amazon.

Outlander доаѓа со свеж и пред се, поробустен изглед кој само дополнително ќе ги привлече SUV купувачите, а производителот потврди дека третиот ред седишта сега доаѓаат во секој примерок на овој модел.

Соработката на Mitsubishi и Nissan како дел од една алијанса најдобро се чувствува кај овој автомобил, бидејќи Outlander ќе користи платформа и други заеднички елементи со Nissan Rogue, кој исто така е одлично позициониран во Северна Америка.

Покрај погонот на сите тркала, Mitsubishi го најави и 2.5-литарскиот бензински мотор со 184 коњски сили, додека и официјално е потврдено дека SUV моделот веќе нема да има дизел варијација во својата понуда.

Во ентериерот Јапонците се потрудиле да го стилизираат изгледот на кокпитот, а вметнати се и 12,3-инчна дигитална инструмент табла и 9-инчен централен екран, како и безжично поврзување со Apple CarPlay и Android Auto.

Иако е најавена и плаг-ин хибрид изведба на новата генерација, додека таа не биде лансирана, Outlander ќе биде достапен со актуелниот PHEV, а Mitsubishi потврди дека приоритет е американскиот пазар и очигледно овој модел не е планиран за во Европа.

Линк за официјалната презентација на Outlander на Amazon

Повеќе содржини за SUV модели:

Најнови содржини

Мате Римац со порака до Маск поради игнорирањето на Nevera
Land Cruiser 300 носи темелни промени и проверен оф-роуд концепт на теренецот на Toyota
Alfa Romeo ќе го прослави 111. роденден со своите фанови
Kia Motors Macedonia ја започнува „смелата трансформација“