Во периодот кога купувачите и инфраструктурата не се подготвени за целосно префрлување на електрични автомобили, плаг-ин хибридите делуваат како одлична преодна алтернатива.

Од една страна, користењето на енергијата складирана во батеријата овозможува автономија на електричен погон во урбаните средини, а горивото е тука за да овозможи релаксирани излети на подолги делници, без грижа околу тоа каде ќе биде наполнета батеријата, како што би бил случајот со електро-мобилите.

Но, една од работите кои купувачите сакаат да ја знаат е колку гориво (најчесто бензин) трошат плаг-ин хибридите кога ќе останат со минимално ниво на енергија во батеријата и кога таа има минимален удел во погонувањето на автомобилот. Нешто што најчесто се случува на возење на отворено, односно на автопат.

Италијанската редакција на „Motor1“ ги искористи своите чести тестови на реална потрошувачка при возење на автопат за да направи споредба и меѓу плаг-ин хибридите, односно да открие дека овие електрифицирани модели пријатно изненадуваат со својата економичност и кога батеријата е на ниско ниво на наполнетост.

Просечна потрошувачка на автопат со ниско ниво на батеријата

Она што дополнително може да се смета за комплимент за плаг-ин хибрид моделите е и фактот што со реално возење и детектирана потрошувачка, дел од нив на автопат со низок капацитет на батеријата трошат исто или помалку дури и од своите хибридни (самополнечки) изведби. Во оваа насока оди и фактот што PHEV изведбите се блиску до дизелите на автопат, а ќе имаат голема предност во урбаните средини со наполнета батерија.

Споредба на потрошувачка на автопат на PHEV и слична изведба на еден ист модел

Ако некој се уште се сомнева во капацитетот на плаг-ин хибридите и нивната коректна потрошувачка дури и со ниско ниво на наполнетост на батеријата, ова се бројките утврдени како просечна потрошувачка при возење во градски и приградски услови.