Slide

Новитети

Nikola подготви електричен пик-ап како одговор на амбициите на Tesla

Slide

Погонот на Badger е интересна комбинација бидејќи електро-моторите ќе користат енергија од 160 kWh батерија и друг извор на енергија која ќе се добива со помош на водород, а почетната автономија од 480 километри со дополнителната опција се зголемува двојно

11/02/2020

Електричните автомобили добиваат се поголем публицитет во автомобилската индустрија, а трендовите наметнати од главните актери отворија можност и за сериозни активности во сегментот на пик-апи.

Популарноста на овој вид автомобили во Северна Америка им дава право пред се на американските производители навреме да подготват проект со кој би стигнале до добар процент од пазарниот удел, а нов член на друштвото потенцијални електрифицирани пик-ап успеси е Nikola Badger.

Откако Tesla ја актуелизираше темата со Cybertruck, Ford потврди дека подготвува електричен F-150, a GM го најави Hummer за со „Супер Боул“ реклама, на сцена стапи и Nikola, кој во браншата е познат како производител на камиони на водороден погон.

Дека инженерите на Nikola се сериозни во обидот да ги засенат ривалите говори и фактот што компанијата најави премиера на верзијата за сериско производство веќе во септември, а уште во моментов се познати голем број детали од спецификацијата.

Според истите, Nikola Badger ќе биде моќен електричен пик-ап со постојани 455 коњски сили и можност да стигне до дури 906 коњски сили во одредени моменти, вртежниот момент ќе биде 1.300 Nm, а забрзувањето од 0 до 100 км/ч ќе изнесува само 3 секунди.

Погонот на Badger е интересна комбинација бидејќи електро-моторите ќе користат енергија од 160 kWh батерија и друг извор на енергија која ќе се добива со помош на водород, а почетната автономија од 480 километри со дополнителната опција се зголемува двојно.

Пик-апот на Nikola е долг 5,9 метри, може да влече приколка до 3,6 тона, а има и друга интересна карактеристика, според која може да генерира енергија, па пик-апот може да се користи и на позиција како извор за енергија за осветлување или друга техника во рок од 12 часа.

Компанијата најави дека сериското производство на Badger е планирано во производствени капацитети на друг субјект кој ќе има блиска соработка со Nikola, а чие име не е објавено.

nikola_badger5
nikola_badger4
nikola_badger8
nikola_badger3
nikola_badger6-(1)
nikola_badger1
nikola_badger2

Exit full screenEnter Full screen

Slide
Slide

Најнови содржини

Jaguar Land Rover додава трета смена во фабриката во Словачка, за да ја задоволи побарувачката за Defender
Volkswagen Group планира значаен поврат на инвестицијата во електрични возила веќе од 2026 година
Ford и VW Group отфрлуваат намалување на цените на своите електрични модели во Европа, по примерот на Tesla
Toyota трета година по ред е најголем автомобилски производител во светот