Slide

Новитети

Nio претстави електричен луксузен седан со автономија од околу 1.000 километри

Slide

11/01/2021

Кинескиот производител Nio го претстави електричниот луксузен седан кој ќе биде познат како ET7 и ќе биде сериозен играч на кинескиот пазар, како и нов ривал на Tesla, кој од неодамна има производство и во оваа азиска земја.

Nio ET7 e долг 5.098 милиметри, а располага и со моќен електричен погон кој испорачува 480 kW и максимален вртежен момент од 850 Nm. Спринтот до стотка трае 3,9 секунди, а со помош на 150 kWh батеријата, автономијата надминува 1.000 километри (според NEDC).

Седанот ќе биде достапен и со 70 kWh и 100 kWh батерии, како и со системот за автоматско менување на батеријата на специјални пунктови, со што ќе се елиминира времето за нејзино полнење.

Покрај луксузниот амбиент во кабината која е замислена како „втора дневна соба“, Nio ET7 може да се пофали и со врвна и напредна технологија за автономно управување.

Целосно подготвен за самостојна контрола на автомобилот, системот на ET7 е составен од 33 напредни сензори, 11 камери со висока резолуција, 12 ултрасонични сензори, пет радари, LiDAR технологија и четири Nvidia Orin платформи.

На централната конзола е поставен 12,8-инчен екран осетлив на допир, Nio ET7 располага и со аудио-систем со 23 звучници, како и вештачка интелигенција во рамките на инфо-забавниот систем.

Во сериската опрема на луксузниот седан ќе биде вклучена и интелигентна воздушна суспензија, која благодарение на радарскиот систем ќе се адаптира според подлогата, а Nio тврди дека автомобилот без проблеми ќе освои пет ѕвезди на Euro NCAP тестот.

Производителот Nio е формиран во 2014 година, со цел да се наметне како премиум избор меѓу електричните автомобили. Покрај седиштето во Хефеи, Nio има свои претставништва на повеќе континенти, меѓу кои и европското во Минхен, a минатата година продаде 36.721 автомобил на кинескиот пазар.

Повеќе содржини за електрични модели:

Slide
Slide

Најнови содржини

Renault започнува нова интернационална офанзива без својот јапонски партнер Nissan
Германските производители нема да учествуваат на престојното Geneva Motor Show 2024
MINI започнува со примената на агенцискиот продажен модел во Европа
Втората генерација на BMW X2 е подолга, повисока и поширока споредено со првата, а добива и електрична изведба