Вести
Nissan планира сериозно намалување на активностите во Европа
Актуелното раководство на Nissan донело одлука за намалување на своите активности во Европа и фокусирање на компанијата на пазарите во САД, Јапонија и Кина, – објави агенцијата „Ројтерс“.
Според агенциските извори од јапонскиот производител, Nissan сака да се рехабилитира од агресивната политика на глобално присуство на поранешниот прв човек Карлос Гон и да ги намали трошоците, истовремено зголемувајќи ја својата профитабилност.
Nissan ќе му го препушти речиси целиот европскиот пазар на својот најважен партнер Renault, додека ќе ја користи плаг-ин хибрид технологијата на Mitsubishi за освојување на поголемите азиски пазари, а официјално новата стратегија треба да биде објавена на 28 мај, – пренесува „Ројтерс“.
Вториот најголем јапонски производител засега би го задржал своето присуство во Европа само преку успешните SUV модели, Juke и Qashqai, a ќе има посебна стратегија за сите преостанати региони и важни светски пазари, при што може да дојде до промени во понудата на модели и функционирањето на фабриките.
Повеќе содржини за Nissan
Најнови содржини
