Slide 1

Вести

Nissan размислува да се повлече од алијансата со Renault

Slide 1

Планот на Nissan подразбира крај на соработката на двете страни во однос на инженеринг и производство, а би значел и промени во Бордот на јапонскиот производител

13/01/2020

Раководството на Nissan почнало да работи на план за можен крај на соработката со Renault, со кого е дел од иста алијанса веќе две децении, – објави „Фајненшел тајмс“.

Медиумот ја добил информацијата од свои извори во Nissan, а истите најавиле дека бегството на Карлос Гон од Јапонија само дополнително ја влошило ситуацијата и комуникацијата меѓу двете страни.

Планот на Nissan подразбира крај на соработката на двете страни во однос на инженеринг и производство, а би значел и промени во Бордот на јапонскиот производител. Она што ја комплицира ситуацијата е што Renault е мнозински сопственик на акции во Nissan (43,4%), a Французите инсистираат на подобрување на меѓусебните односи и соработка кои беа влошени изминатиот период.

Гон кој во меѓувреме беше уапсен од јапонските власти поради неколку обвинувања, го спаси Nissan од тешка финансиска ситуација во 1999 година и го вклучи во алијанса со Renault, а сите субјекти во иднина беа предводени токму од негова страна.

Сепак, во Nissan одамна тлее незадоволството поради начинот на кој Гон ги поставувал работите, па оттука и желбата кај многу влијателни членови на раководството за повлекување од алијансата, нешто што сега кулминираше и со обвинувањата од двете страни за заткулисни игри и погрешни потези.

Во случај на разделба, Renault и Nissan сигурно би барале нови партнери со кои би соработувале со ревидирани услови.

Slide 1
Slide 1
Slide 1
Slide 1
Slide 1
Slide 1

Најнови содржини

Специјалнa верзија на Fiat 500X го тестира третото ниво на автономно возење на автопатите во Италија
Citroën претстави нов C3, специјално креиран за Индија и Јужна Америка
Volkswagen, по примерот на Tesla, планира да заработи стотици милиони евра од бесплатните Over-the-Air надградби
Првиот електричен автомобил на Xiaomi ќе пристигне во првата половина од 2024