Вести
Новата генерација на Audi A4 ќе биде засилена со електрична изведба
Audi ја подготвува шестата генерација на повеќе од важниот модел A4, а понудата ќе биде сериозно електрифицирана, вклучувајќи ја и електричната A4 e-tron изведба.
Вообичаено претставен во седан и комби Avant изведба, А4 ќе ја задржи ревидираната MLB платформа како основа за своите бензински и дизел изведби, а германскиот производител најави дека новата генерација ќе донесе голем избор на MHEV варијации, но и плаг-ин хибрид избор, за кој се очекува да предизвика сериозен интерес.
Она што ќе го заокружи процесот е A4 e-tron, моделот кој ќе користи иста платформа со веќе најавениот A6 e-tron и Porsche Macan, а ќе им биде ривал на модели како Tesla Model 3 и BMW i4.
Дизајнерски, A4 e-tron се очекува да биде најблизок до актуелниот A5 Sportback, а ќе биде најважен претставник во класата за Audi во годините кога ќе престане производството на класични бензински и дизел изведби.
Електричната изведба ќе биде достапна со еден или два електро-мотора, а се очекува и најмоќна RS изведба со околу 500 коњски сили.
Повеќе содржини за Audi:
Најнови содржини
