Slider

Новитети

Подобри перформанси и технолошка надградба за моќниот Jaguar F-Pace SVR

Slider

Она што најмногу ги интересира фановите на F-Pace SVR секако се перформансите, а иако моќноста останува на 550 коњски сили, инженерите на Jaguar направија ревизија на моторот за тој да стигне до поголем максимален вртежен момент од 700 Nm

02/12/2020

Jaguar најави уште една освежена изведба на своите модели за 2021 година, а во случајов се работи за исклучително моќниот F-Pace SVR, кој доаѓа со потрендовски дизајн, но и подобрени перформанси.

Дизајнерите на британскиот бренд ја вклопија оваа спортска изведба на F-Pace со освежените верзии на другите членови на гамата, вклучувајќи ја графиката на светлата со „двојно Ј“, а за ентериерот е најавен уште полуксузен избор на материјали, како и 11,4-инчен централен екран со Pivi Pro инфо-забавниот систем.

Она што најмногу ги интересира фановите на F-Pace SVR секако се перформансите, а иако моќноста останува на 550 коњски сили, инженерите на Jaguar направија ревизија на моторот за тој да стигне до поголем максимален вртежен момент од 700 Nm, а напредок има и на спринтот до 100 км/ч (4 секунди) и максималната брзина (286 км/ч).

Со оглед на тоа што се работи за исклучително важен модел кој е гордост на Jaguar, направена е ревизија и на системот за управување, трансмисијата, суспензија и сопирачките, поради што F-Pace SVR ќе понуди уште подобро чувство за среќникот кој ќе се најде зад неговиот волан.

Во секој од овие сегменти е направен напредок, се користат уште помодерни технологии, како што е примерот со специфичните сопирачки кои користат електричен бустер наместо вакуум систем, а засилена е и дозата на нивно ладење.

Повеќе содржини за Jaguar

Slider

Најнови содржини

Slider
Slider
Slider
Slider