Slide

Вести

Porsche им додели бонус од 9.700 евра на сите вработени

Slide

09/04/2020

Кризата која ја предизвика коронавирусот ќе има влијание и врз финансиските резултати на секогаш профитабилниот Porsche, но тоа не значи дека вработените ќе останат без најавените бонуси.

Германскиот производител потврди дека на секој вработен му исплатил по 9.700 евра како дополнителен бонус за успешното работење во претходната финансиска година.

Сумата која ќе ја добијат околу 27.000 вработени во Германија не се промени и покрај тоа што профитот беше намален во однос на претходната година, како и покрај реалната закана во вид на коронавирус, која веќе предизвикува последици во работењето и на брендот од Цуфенхаузен.

Минатата година Porsche ја заврши со финансиски обрт од 28,5 милијарди евра и профит од околу 2,8 милијарди евра, што беше намалување за 317 милиони евра во однос на претходната година.

Во однос на добиениот бонус, вработените добиле и препорака да донираат дел од средствата во непрофитабилни организации, нешто што го направија и членови на Бордот на директори, додека Porsche неодамна донираше 5 милиони евра во борбата со коронавирусот.

Slide
Slide

Најнови содржини

Renault започнува нова интернационална офанзива без својот јапонски партнер Nissan
Германските производители нема да учествуваат на престојното Geneva Motor Show 2024
MINI започнува со примената на агенцискиот продажен модел во Европа
Втората генерација на BMW X2 е подолга, повисока и поширока споредено со првата, а добива и електрична изведба