Новитети
Премиера: Born е првата електрична Cupra, доаѓа со автономија до 540 км
Cupra денеска ги објави сите детали за Born, уште еден самостоен модел на шпанскиот перформанс бренд, но и првиот со електричен погон на марката со логото во бакарна боја.
Поставен на MEB платформата и со слични техничко-технолошки предиспозиции како групацискиот пионер Volkswagen ID.3, но дизајнерите на Cupra се погрижија за специфичен настап на Born, кој делува самоуверено и подинамично од ривалите во својата класа.
Купувачите ќе имаат повеќе опции во однос на изборот на моќноста и автономијата, па Cupra Born може да се добие со електричен погон со 150 коњски сили и 204 коњски сили, а со перформанс пакетот и E-Boost опцијата се стигнува до 231 коњска сила и вртежен момент од 310 Nm.
Достапни се повеќе батерии, со капацитет од 45 до 77 kWh, при што кај најголемата се обезбедува автономија до 540 километри.
Електричниот Born има 50:50 дистрибуција на тежината, мулти-линк потпирање на задната оска, како и спортско мапирање на системот за стабилизација и суспензијата, за да се добие очекуваното подинамично управување од една Cupra.
Повеќе содржини за електрични автомобили:
Најнови содржини
