Slide

Вести

PSA најави нова модуларна платформа за електрични модели од Ц и Д сегментот

Slide

Моделите кои ќе го користат ќе може да добијат еден или два електро-мотора, максимална моќност до 340 коњски сили, како и батерија до 100 kWh, со што автономијата ќе се движи меѓу 400 и 650 километри

29/07/2020

Групацијата PSA вчера ги презентираше финансиските резултати за првата половина на 2020 година, при што е истакнат профитот од 595 милиони евра, кој доаѓа и покрај намалената продажба и отежнатото функционирање во периодот во кој темпото го диктираше коронавирусот.

Карлос Тавареш го предводи раководството на PSA и продолжува да испорачува позитивни резултати, а покрај излагањето за финансискиот дел, тој најави и еден значаен чекор во однос на електрификацијата на брендовите од групацијата.

Се работи за платформа eVMP, која ќе биде користена од модели од Ц и Д сегментот со електричен погон, а инаку е унапредена и доразвиена платформа од онаа која што во моментов е познато како EMP2 и го користат повеќе модели од француската група.

Користењето на eVMP ќе донесе можност за поголема моќност и батерии со поголема автономија, а Тавареш најави дека таа ќе дебитира со модел во 2023 година. Француските медиуми претпоставуваат дека тоа ќе биде новата генерација на Peugeot 3008, по што eVMP ќе биде употребен и кај следните новитети.

Моделите кои ќе го користат ќе може да добијат еден или два електро-мотора, максимална моќност до 340 коњски сили, како и батерија до 100 kWh, со што автономијата ќе се движи меѓу 400 и 650 километри. Ова се и главните придобивки и разлики во однос на eCMP платформата која ја користат актуелните електрични изведби од пониските сегменти.

Изведбите со мотор со внатрешно согорување и плаг-ин хибридите ќе користат дериват на платформата кој ќе го носи името VMP.

Slide
Slide

Најнови содржини

Mercedes ќе го намали бројот на дилерствата, во процесот на транзиција кон агенциски модел на продажба
Volkswagen започна да прима нарачки за електричниот ван ID. Buzz, првите испораки – на есен
Презентација на 10 електрифицирани модели од Opel и Peugeot – два од брендовите на Stellantis групацијата
Mercedes за електричната G-Class ќе користи нови батерии со силициумски, наместо графитни аноди