Rolls-Royce го претвора системот на персонализација во главен елемент кој генерира приходи.

Rolls-Royce ја проширува мрежата на таканаречените “приватни канцеларии” со цел зголемување на приходите преку нудење на опции за персонализација на своите клиенти.

Производителот, кој е во сопственост на BMW, ja отвори својата прва ваква канцеларија во Дубаи минатата година, по воспоствување на концептот во своето седиште во Гудвуд, јужна Англија.

Втората ваква канцеларија ќе биде отворена во Шангај, и е во фаза на подготовка, а трета се планира да се отвори во Сеул.

“Нашиот план е да бидеме присутни во сите поголеми градови во светот, за да бидеме што поблиску до нашите клиенти”, изјави Торстен Милер-Отвос, извршниот директор на брендот.

Иако BMW не ги објавува финансиските резултати на Rolls-Royce, сепак Милер-Отвос изјави дека просечната продажна цена по возило во последните 10 години пораснала на 500,000 фунти, што е двојно повеќе од претходно. Според него, можностите за персонализација биле клучна компонента за овој раст.