Slide

Новитети

Seat ги објави деталите за фејслифтот на Ibiza и Arona

Slide

15/04/2021

Seat реши да реализира двојна дигитална премиера и тоа на ултра популарните Ibiza и Arona, кои и покрај многу заеднички квалитети, имаат и доволна доза индивидуализам и различен пристап во однос на приоритетите на купувачите.

Ibiza зад себе има 6 милиони продадени примероци, по што сега добива освежено издание на петтата генерација, додека Arona е во првата генерација, a минатата година ја заврши како втор најпродаван модел на шпанскиот бренд.

Фејслифтот на Ibiza носи дизајнерско освежување на маската и целиот преден дел, вметнувањето на новото лого и името испишано со новата типографија на Seat, купувачите ќе добијат избор на нови дизајни на тркалата, како и LED технологија на сите светла во сериската опрема.

Подобрувањето на впечатокот за ентериерот е направен со освежување на кокпитот, вклучувајќи ја лебдечката позиција на централниот екран кој може да биде 8,25 или 9,2-инчен. Со помош на безжичниот Full Link систем може да се обезбеди поврзување со Apple CarPlay и Android Auto.

Почетната изведба на Ibiza ќе располага со 80 коњски сили, а на врвот на понудата ќе биде 1.5-литарскиот TSI бензинец со 150 кс.

Освежувањето на Arona оди во правец на уште поинтензивна робустност и специфичен дизајнерски израз кој сега ќе кулминира со новото ниво на опременост Xperience.

Кај Arona редизајнирани се браниците, магленките, спојлерот и дифузерот на задниот дел, а исто како кај Ibiza, името на моделот е напишано како кај новиот Leon, додека возачот ќе користи целосна LED технологија.

Производителот најави повпечатлив изглед на ентериерот со помеки површини, а вклучени се и опциите за инфо-забавниот систем кои ќе ги добие и Ibiza.

Seat ќе ја понуди освежената Arona со пет погонски единици со моќност меѓу 90 и 150 кс.

Повеќе содржини за Seat:

Slide
Slide

Најнови содржини

Jaguar Land Rover додава трета смена во фабриката во Словачка, за да ја задоволи побарувачката за Defender
Volkswagen Group планира значаен поврат на инвестицијата во електрични возила веќе од 2026 година
Ford и VW Group отфрлуваат намалување на цените на своите електрични модели во Европа, по примерот на Tesla
Toyota трета година по ред е најголем автомобилски производител во светот