Шпанскиот производител Seat го претстави својот нов оддел чии активности ќе бидат насочени кон урбаната и алтернативната мобилност, а уште на почетокот се преставени концепти за идните продукти потпишани од брендот.

Се работи за концепт изведби на електричен скутер и електричен тротинет, два продукта кои се посебно популарни и имаат многу предности во однос на ривалите со малку поинаква филофозија.

Концептот e-Scooter најавува електричен скутер чие сериско производство ќе започне во 2020 година, а наведените детали од спецификацијата се повеќе од импресивни.

Скутерот ќе располага со електро-мотор од 7 kW кој во одредени моменти може да биде бустиран до 11 kW, притоа максималната моќност достигнува 14,8 коњски сили, што соодветствува на скутер со класичен мотор со зафатнина од 125 кубни сантиметри.

Максималната брзина на e-Scooter на Seat ќе биде 100 км/ч, а забрзувањето до 50 км/ч трае 3,8 секунди. Најавите се дека досегот со едно полнење на батеријата ќе изнесува 115 километри.

Тука е и концептот e-Kickscooter кој претставува модерен електричен тротинет со напреден систем за сопирање и досег од 65 километри. Seat веќе има електричен тротинет во својата понуда, а моделот EXS само во 2018 година бил продаден во 10.000 примероци.

Seat-UrbanMob1

Seat-UrbanMob3

Seat-UrbanMob4

Seat-UrbanMob2

Seat-UrbanMob