Slider

Стории

Сервисниот центар на „Еуроимпекс“ го надгради квалитетот со поинаква грижа за клиентите

Slider

Примерот со сервисниот центар на „Еуроимпекс“ покажува како се задржува довербата на клиентите и овој комплициран период, а исполнувањето на препораките и реализирањето на промотивните кампањи на брендот Peugeot објаснуваат зошто сервисниот центар на оваа компанија постојано функционира со исто темпо

04/06/2020

Превентивните проверки и грижата за автомобилите и комерцијалните возила не треба да бидат запоставени и во периодот кога секој од нас најмногу внимава на своето и здравјето на своите најблиски.

Соочувањето со глобалниот предизвик наречен КОВИД-19 ги помести стандардите во однос на секојдневното почитување на одредени мерки и препораки, но истовремено ја подигна и свеста за користењето на услугите на компании, кои својата професионалност ја надградија и со почитување на строгите препораки на одговорните стуктури и својот принципал.

Примерот со сервисниот центар на „Еуроимпекс“ покажува како се задржува довербата на клиентите и овој комплициран период, а исполнувањето на препораките и реализирањето на промотивните кампањи на брендот Peugeot, објаснуваат зошто сервисниот центар на оваа компанија продолжува да функционира со исто, ненамалено темпо.

Нашата посета на сервисниот центар ни овозможи да се увериме во специјалниот протокол кој важи за време на приемот, сервисирањето и предавањето на возилото на клиентот, а сите детали за актуелната ситуација ги добивме од Техничкиот координатор Душан Пјевац и дел од неговите соработници.

Довербата во тимот кој се грижи за оставениот автомобил во сервисен центар, но и квалитетот на услугата се пресудни за задржување на клиентите. Од Душан Пјевац побаравме да ни образложи кои се факторите поради кои возачите лесно носат одлука да го доверат својот автомобил во сервисниот центар на „Еуроимпекс“?

– Компанијата „Еуроимпекс“ во моментов е генерален увозник за брендот Peugeot во 5 земји и генерален увозник за 8 други брендови во Македонија. „Еуроимпекс“ оваа година прославува 30 години постоење, а тоа се години на искуство, вложување во кадарот кој сега брои 80 лица, градење доверба и лојалност, многубројни остварени контакти, позитивни реакции од задоволни клиенти и огромна бројка на реализирани сервисни операции. Мојата улога како Технички координатор меѓу другото подразбира да обезбедам што повеќе успешно сервисирани возила и исто толку задоволни клиенти.

–  Довербата е процес кој се гради со години, но може лесно да се загуби. Токму затоа мојата „улога“ е и да го насочам тимот кон градење на долгорочни односи со крајните купувачи. Низ годините имаме позитивен тренд на понудување на квалитетна услуга, навремено дијагностицирање и соодветно дадени совети и препораки. Посебно ни е драго што клиентите ни веруваат и што се одлучуваат да ги користат нашите услуги.

Довербата е процес кој се гради со години, но може лесно да се загуби. Токму затоа мојата „улога“ е и да го насочам тимот кон градење на долгорочни односи со крајните купувачи, вели Душан Пјевац, Технички координатор во сервисниот центар на „Еуроимпекс“

– Исто така на нашите клиенти им даваме можност да нè посетат на повеќе локации. „Еуроимпекс“ во моментов е единствен меѓу импортерите кој функционира со две импортерски продажно/сервисни точки во Скопје, лоцирани на двете различни страни од градот и тоа локација 1: Бул.Трета Македонска бригада бр. 72 и локација 2: ул. Скупи 3А.
Додека пак на територијата на цела држава, Peugeot продажно/сервисни локации има во пет градови: Авто Чајка во Штип и Тетово, Бонди во Гевгелија, 365 Ауто во Битола и Сити Кар во Скопје.

„Еуроимпекс“ е позната како компанија која вклучува повеќе жени на важни менаџерски позиции, но ништо помалку важен не е ниту професионалниот ангажман на останатите припаднички на понежниот пол во хиерархиската поставеност. Весна Трајковска е технички советник во сервисниот центар, а преку искуството и познавањето на проблематиката, лесно ги неутрализира предрасудите дека оваа индустрија е синоним за „машки свет“…

– Јас сум во оваа компанија скоро 12 години. Започнав да работам на позицијата „технички советник“ и веднаш се вклопив во системот и начинот на неговото функционирање. Од самиот почеток бев свесна дека мои први соработници ќе бидат воглавно колеги и контактот со клиентите ќе биде во поголем процент сведен на машката популација, но тоа никогаш не ми претставуваше проблем. Напротив, ми беше предизвик и донекаде интересен момент кога при прв контакт со клиентите забележував доза на изненадување кај нив.
Со текот на годините секако дека таа „бариера“ целосно ја снема, самодовербата порасна, исто како и довербата од страна на клиентите, – вели Трајковска.

Јас го остварувам првиот контакт со клиентот и имам одговорна задача на правилно и конкретно дијагностицирање на проблемот или потребата која клиентот ја има од нашите сервисни услуги, – појаснува Весна Трајковска

Како се одвива процесот на прием и контакт со корисниците на услугите на сервисниот центар, односно преземање и предавање на возилото по извршеното сервисирање?

– Јас го остварувам првиот контакт со клиентот и како таков, имам одговорна задача на правилно и конкретно дијагностицирање на проблемот или потребата која клиентот ја има од нашите сервисни услуги. Сè со цел поедноставување на целиот процес од примање до предавање на возилото, а на тој начин и сервисерот веднаш ќе знае како да пристапи кон услужување на тоа возило.

– При контакт со клиентот, веднаш го прашуваме да објасни со свои зборови точно како тој/таа ја доживеал/а ситуацијата со која првпат се соочил/а. Кон секој искажан впечаток, пристапуваме максимално внимателно, земајќи го во предвид фактот дека воглавно не станува збор за технички стручно лице.

– Неговата изјава се внесува во систем, а потоа се отвора работен налог по кој сервисерот постапува. Веднаш по услужувањето на странката и соодветно поставена дијагноза на возилото се повикува сервисерот кој ќе работи на истото во зависност дали е од механичка или електронска природа. Истиот соодветно го обезбедува возилото, со соодветни најлонски навлаки во пределот на менувачот, седиштата и управувачот и така обезбедено го внесува на сервисната позиција.

претходна
следна
Full screenExit full screen

Slider

– Во целиот овој процес нашите сервисери работат исклучиво со заштитна опрема која вклучува: пропишана униформа, заштитни ракавици и маска. Подоцна по сервисирањето, на клиентот детално му се објаснува што е сработено на неговото возило, а тука се и препораките за следен сервис или совет за подобро користење на своето возило. Сакам да истакнам дека во 90 проценти од случаите, нашите совети и препораки за следен сервис и правилно користење се прифатени, на што сме особено задоволни, – дополнува Трајковска.

Неодамна „Еуроимпекс“ ја најави програмата „Тука сме за вас“, дали може да ни кажете нешто повеќе за нејзината содржина?

– За нас, здравјето и благосостојбата на нашите вработени и клиенти е приоритет број еден.

– Па токму затоа, дури и во овие пандемични времиња ние сме лојални кон нашите клиенти. Сите продажно-сервисни локации на Peugeot се на располагање за сите барања на клиентите во врска со купување на ново возило или со сервисирање на возилото кое го користат.

– Свесни сме дека состојбата е загрижувачка, но бидете уверени дека сите во Peugeot сме фокусирани да им овозможиме безбедно искуство на клиентите. Притоа ги почитуваме сите препораки и секако одржуваме безбедна дистанца. Воедно периодов, со цел да им излеземе во пресрет на нашите клиенти, креиравме неколку понуди во програмата „Тука сме за вас“ и задоволни сме од одзивот кој досега е реализиран – објаснува Пјевац.

Сервисните советници имаат важна улога во комуникацијата со клиентите, а нивната доверба ја стекнуваат со позитивниот ефект кој го добиваат од следење на нивните препораки.
Од Перица Спасовски дознаваме кои се советите кои ги добиваат купувачите и колку се важни за купувачите на нови автомобили, но и оние кои биле третирани во сервисниот центар и колку е важно сервисирањето на автомобилите во овластените сервиси, наспроти локалните гаражи кои нудат навидум поевтина услуга?

– Секој клиент има право на избор каде ќе го сервисира своето возило и како ќе се грижи за истото. Нам ни останува да ги советуваме за начинот на кој сметаме дека треба да ги прават соодветните проверки и зошто постојат точно определени интервали за секоја операција.

– Сервисирањето во овластени сервисни центри има многубројни придобивки. Најпрво, третманот кој го добива клиентот како и неговото возило е согласно веќе пропишани правила од страна на принципалот, како и долгогодишното искуство на сервисните професионалци кому го доверувате своето возило.

– Јас работам во „Еуроимпекс“ веќе 20 години и можам да ви кажам дека се имам сретнато со многу предизвици, различни ситуации и типови на луѓе.
.

Правилно поставена дијагноза е половина решен проблем. Електрониката на возилото е навистина сложен процес кој доколку го разбирате правилно нема да имате потреба од преголемо задржување на едно возило, – порачува Перица Спасовски, сервисен експерт и дијагностичар за електрика

– Можам со сигурност да потенцирам за општествената одговорност која „Еуроимпекс“ ја има покажано низ годините, без разлика на екстерните промени, компанијата секогаш вложувала во обуки и практични и теоретски настави за сервисните советници преку кои ја градат и надополнуваат својата стручност. Тоа е навистина важен елемент посебно за правилно дијагностицирање на „проблемот“. Правилно поставена дијагноза е половина решен проблем. Електрониката на возилото е навистина сложен процес кој доколку го разбирате правилно нема да имате потреба од преголемо задржување на едно возило и при тоа губење на непотребно време на клиентот.

– Доколку треба да се замени одреден дел, да не заборавиме дека во нашите сервисни центри користиме исклучиво оригинални резервни делови препорачани од производителот кои доаѓаат со одреден период на гаранција. Запомнете, што и да се случи со вашето возило зад вас стои француски бренд кој гарантира за тој производ. Вашите грижи се веднаш помали во споредба со сервисирањето на возилото во нелиценцирани сервисни гаражи, – потенцира Спасовски, сервисен експерт и дијагностичар за електрика.

Процесот на сервисирање во сервисниот центар на „Еуроимпекс“ веројатно подразбира следење на многу однапред утврдени стандарди и процесирање и третирање на начин кој резултира со брза, но и прецизна интервенција. Како тече тој процес и што се случува со автомобилот откако клиентот ќе го остави во сервисниот центар?

– При предавање на клучот кај техничките советници на приемниот пулт, сервисерот го обезбедува возилото и го внесува во сервисот. Во зависност од операцијата која треба да се спроведе возилото може да има потреба да се постави на дигалка за да се погледне проблемот во долниот дел или да се постави статично за да се дијагностицира она што се наоѓа под капакот на моторот.

– Во многу случаи за да сме сигурни во одредена дијагноза, потребно е возилото да се изнесе надвор и да се тестира за да видиме како истото се однесува, дали има звук кој не треба да го има, дали појавува звучна или визуелна сигнализација, дали уште при самото стартување појавува негодување или пак воопшто не сака да се стартува. Како што кажав секој проблем е потребно различно да се третира и согласно тоа се поставува соодветно потребно време за интервенцијата, вели Игор Митев, сервисен експерт и дијагностичар за механика во сервисниот центар на „Еуроимпекс“.

Иако навидум сервисните гаражи се поевтини и подостапни, на долг рок тоа воопшто не е така. И за жал имаме сѐ повеќе ситуации каде што клиентот доаѓа кај нас и два пати плаќа за една операција, – вели Игор Митев, сервисен експерт и дијагностичар за механика

Колку често се случува сопствениците на автомобили да побараат професионална интервенција на вашите вработени откако се обиделе минимално да заштедат со посета на нелиценциран сервис?

– Моето работно искуство во „Еуроимпекс“ започнува во 1998 година и можам да кажам дека за жал ова е честа појава кај нас. Кон одлуките на луѓето верувам дека влијаат повеќе фактори (финансиска состојба, препорака од пријател, близината на местото на живеење итн).

– Ако зборуваме за финансискиот аспект, она што е приоритетно да се земе во предвид е фактот дека луѓето се некогаш недоволно информирани и имаат претпоставка дека овластените сервиси нудат поскапа услуга, па се упатуваат кон неовластените сервисни гаражи. Услугата во овластени сервисни центри не значи и поскапа услуга!

– Доверувањето на вашето возило кое е ваше секојдневно средство, не смее да биде земено здраво за готово. Колку подобро се однесуваме со нашето возило толку подобро ќе се однесува и тоа кон нас. Иако навидум сервисните гаражи се поевтини, на долг рок тоа воопшто не е така. И за жал имаме сѐ повеќе ситуации каде што клиентот бил во неовластен сервис, па доаѓа кај нас и два пати плаќа за една операција.

– Не сакам со ова да ја омаловажам работата на сервисерите кои чесно си ја работат работата во своите гаражи, само сакам да ја истакнам разликата во придобивките од овластениот сервисен центар.
Она што можам да го потенцирам како апел или совет до сите е редовно да се прават проверките на возилото, посебно за оние осетливи периоди како летен период пред тргнување на одмор или подолго патување, зимски период и проверките на ребрестиот ремен, како и гумите и сопирачките, пролетен период со промена на филтри и проверка на клима уредот итн.

– За нови возила или со изминати 15.000 или 30.000 km, на нашата веб страница на следниов линк: https://peugeot.mk/servisni-uslugi/servisni-intervali јавно се достапни сервисните интервали кои стојат на располагање на клиентите. Понатаму сервисите секако се менуваат во зависност од километражата и/или изминато време, – дополнува Митев.

претходна
следна
Full screenExit full screen

Slider

Најнови содржини

Slider
Slider
Slider
Slider