Skip to content

Вести

Шест кандидати во финалето за признанието „Интернационален ван на годината“

Финалисти за признанието за 2020 година се Fiat Ducato, Ford Transit Custon PHEV, Ford Transit EcoBlue Hybrid, VW Transporter T6.1, Iveco Daily и Renault Master/Opel Movano/Nissan NV400 кои користат иста основа

04/11/2019

Комерцијалните возила секогаш се во сенка на патничките автомобили, но тоа не значи дека се помалку значајни за производителите и нивните финансиски резултати.

Постојаното унапредување на својата гама овозможува пристап до повеќе купувачи со потреба од работник на четири тркала за својот бизнис, а еден доказ за прогресот на брендовите се и признанијата.

Веројатно најзначајното во овој сегмент е „Интернационален ван на годината“, годишната награда која ја доделува специјализирано жири составено од новинари, кои и годинава ги тестираа финалистите, за подоцна месецов да го објават и победникот.

Финалисти за признанието за 2020 година се Fiat Ducato, Ford Transit Custon PHEV, Ford Transit EcoBlue Hybrid, VW Transporter T6.1, Iveco Daily и Renault Master/Opel Movano/Nissan NV400 кои користат иста основа. Како потсетување, за најдобар ван за 2019 година беа прогласени Peugeot Partner/Citroen Berlingo/Opel Combo кои исто така се технички близнаци.

Не помалку значајно, годинава истото жири ќе го прогласи и пик-апот за 2020 година, а петте финалисти веќе поминаа специјален финален тест на различни терени во Шведска. За признанието се борат Ford Ranger, Mitsubishi L200, Nissan Navara, Renault Alaskan и Toyota Hilux. Минатата година наградата му припадна на Volkswagen Amarok.

Победниците ќе бидат прогласени за време на Солутранс 2019, транспортниот саем кој се одржува во Лион, Франција.

Најнови содржини

Slider
Slider
Slider
Slider
Slider

Send this to a friend