Вести
Следната генерација на Peugeot 208 и 2008 ќе биде составена само од електрични изведби
Peugeot во своите продажни салони има свежи генерации на своите важни модели 208 и 2008, а новитет кај нив беше понудената електрична изведба која постигна одлични резултати во 2020 година.
Првиот човек на францускиот бренд, Жан-Филип Импарато, во својата изјава за британски „Ауто Експрес“ најави дека следните генерации на овие два модела нема да вклучуваат изведби со мотор со внатрешно согорување.
Бензинската изведба во моментов е се уште најбарана, Peugeot има и дизел опција за 208 и 2008, но првата електрична варијација е најава за она што може да се очекува во иднина.
– Новите генерации на нашите модели во Б и Б-СУВ сегментот ќе бидат само електрични. Глобалниот тренд на зголемување на продажбата на електрични автомобили расте од месец за месец.
– Изминатите десетина недели кај нашите нарачки за 208 и 2008, дури 14 проценти од примероците се на електричен погон. Додека кај 3008, дури 27 проценти од нарачаните автомобили се со плаг-ин хибрид погон.
– Во 2020 година, секој десетти продаден автомобил на Peugeot бил со електрифициран погон, – изјавил Импарато.
Повеќе содржини за Peugeot:
Најнови содржини
