Volkswagen Group ја заврши одлично првата половина од годинава, заземајќи го првото место во осум од вкупно десет клучни сегменти помеѓу масовните брендови.

Брендовите во рамки на VW Group кои спаѓаат во премиум сегментот, пак, заземаа четири први места во 11 премиум сегменти.

Само брендот Volkswagen зазеде седум први места, според извештаите за земјите во ЕУ плус Норвешка, Швајцарија и Велика Британија.

Победниците за брендот Volkswagen се T-Roc (мали SUV и купе/кабриолет), Golf (компактни), Tiguan (компактни SUV), Passat (средна класа) и Caddy (компактни ванови).

Сегментот на средни/големи SUV модели е предводен од Kodiaq, модел на сестринскиот бренд Skoda.

Во премиум класата, брендовите Audi и Porsche ги заземаат првите места во четрии категории, помеѓу кои компакти (Audi A3) и луксузни седани (Porsche Taycan).

Сепак, доминантна групација во премиум сегментите е BMW Group, со одлични 5 први места во првите шест месеци.

Само брендот BMW зазеде три од тие места: 3 Series (премиум средна класа), X5 (премиум големи SUV), како и XM кој го надмина Lamborghini Urus во сегментот на егзотични автомобили.