Tesla Model 3 води пред BMW 3 Series со 1,904 повеќе продадени примероци годинава во битката за најдобро продаван премиум модел со средна големина.

Tesla го надмина BMW во клучниот сегмент зголемувајќи ги продажбите на Model 3 за 30% во првите 8 месеци од годинава (54,584 продадени примероци). Истовремено, BMW 3 Series во истите 8 месеци забележа пад од 3.3%.

Втората изедначена битка се одвива помеѓу сестринските модели на VW Group, за позицијата најдобро продаван SUV со средна големина.

Заклучно со август, електричниот VW ID.4 има предност од 3,073 продадени примероци пред Skoda Kodiaq.

VW има водство благодарение на 83-процентното зголемување на продажбата. Годинава ќе биде добра и за Kodiaq, со оглед на тоа што во првите 8 месеци продажбата бележи раст од 23%.

Заклучно со август, продажбата на електрични возила во Европа изнесува 1,195,466 примероци, што претставува раст од 51%. За растот во голема мера придонесе растот на продажбата на Tesla Model Y (+198%), ID.3 и ID.4 (+89%), како и големата побарувачка за возилата на брендот MG.