Slide

Вести

Volkswagen ID.4 ја освои главната награда на овогодинешниот избор “Златно тркало”

Slide

Главната награда ја освои електричниот кросовер на Volkswagen, моделот ID.4 со освоени над 38% од гласовите. Директорот на Порше Македонија, г-дин Златко Муцунски за време на свечениот настан по повод доделувањето на наградите.

28/04/2022

И годинава повторно се одржа изборот за “Златно Тркало”, преку кој се доделуваат наградите за најпосакуван автомобил во тековната година.

Оваа година, имаше пет категории, и по еден победник во секоја од нив. Главната награда ја освои електричниот кросовер на Volkswagen, моделот ID.4 со освоени над 38% од гласовите.

Што се однесува до останатите категории, Porsche Taycan ја доби наградата Златно Тркало за Најпосакуван Премиум Автомобил во Македонија.

Porsche Taycan Cross Turismo беше номиниран во својата категорија и по еден месец онлајн гласање ја освои наградата со најголем процент (43,45%) од гласовите од сите други категории.

На гала вечер организирана од специјализираните автомобилски новинари од редакциите на Аvto Plus, CarClub, CarsbyVik и RPM, наградата „Златно Тркало“ ja прими Бренд Менаџерот на Porsche – г-дин Винко Марашевиќ кој во своето обраќање до публиката истакна: „Доказите се јасни, иднината е електрична. Иднината е исто така премиум. Иднината е брза и изгледа прекрасно.“

Компактот Peugeot 308 ја освои наградата во категоријата градски автомобил, додека Kia Sportage е најдобар семеен автомобил според гласовите на публиката.

Електричниот компактен кросовер Volkswagen ID.4 ја доби и наградата за Најпосакуван Електрифициран Автомобил во Македонија.

Првиот електричен SUV на Volkswagen покажува дека и меѓу македонските купувачи има навистина голем интерес за електричните возила, особено кога станува збор за SUV. „Електрификацијата зема замав, а публиката ги препознаваат квалитетите на ID.4, кој ги обединува напредните технологии и предностите на возење електрично возило, со трендовската форма на SUV.“ – изјави г-дин Александар Цветковски, Бренд Менаџер за Volkswagen во Македонија.

Претставувајќи ја компанијата Порше Македонија, Генералниот Директор г-дин Златко Муцунски ја прими главната награда „Златно Тркало“ истакнувајќи: „Комбинацијата од електричен SUV, врвни електрични перформанси и моќта на брендот Volkswagen покажуваат дека и кај нашите купувачи има вистински интерес за електрични возила кои ја докажуваат својата сестраност во вистинска форма која е многу привлечна. Се надеваме дека трендот ќе продолжи и во иднина.“

Slide
Slide

Најнови содржини

Mercedes ќе го намали бројот на дилерствата, во процесот на транзиција кон агенциски модел на продажба
Volkswagen започна да прима нарачки за електричниот ван ID. Buzz, првите испораки – на есен
Презентација на 10 електрифицирани модели од Opel и Peugeot – два од брендовите на Stellantis групацијата
Mercedes за електричната G-Class ќе користи нови батерии со силициумски, наместо графитни аноди