Skip to content

Вести

Volkswagen ќe ги ребрендира и спортските изведби, новото лого дебитира на Atlas Cross Sport

Првиот модел на германскиот производител кој ќе го добие новото R лого ќе биде SUV моделот Atlas Cross Sport R-Line, чија премиера е закажана за 11 октомври и е наменет за пазарите во Северна Америка

07/10/2019

Откако на Саемот во Франкфурт, официјално го претстави своето ребрендирање и ново лого, Volkswagen наредниов период ќе го ребрендира и R логото наменето за спортските изведби во својата понуда.

Перформанс одделот познат како Volkswagen R е промовиран во 2002 година, а покрај четири генерации на Golf R, во неговото портфолио се и Passat R36, Touareg R50, Scirocco R, Golf R Cabriolet, Golf R Variant и неодамна промовираниот T-Roc R.

– Volkswagen R подразбира возбуда и во иднина ќе продолжиме да ги интегрираме овие емоции во брендот Volkswagen. Избираме стратешки и оперативен пристап во креирањето квалитетни продукти и уникатно корисничко искуство, – вели Јост Капито, првиот човек на Volkswagen R.

– Новото лого за R и R-Line изведбите доаѓа во склоп на процесот на модернизирање и адаптирање на брендот Volkswagen R. Нашиот тим интензивно работи на имиџот на продуктите и брендот, а продолжуваме со тој процес и наредните месеци, – дополнува Капито.

Првиот модел на германскиот производител кој ќе го добие новото R лого ќе биде SUV моделот Atlas Cross Sport R-Line, чија премиера е закажана за 11 октомври и е наменет за пазарите во Северна Америка.

Наредните 15 месеци, Volkswagen R планира да промовира пет нови модели, вклучувајќи го T-Roc R.

Најнови содржини

Slider
Slider
Slider
Slider
Slider

Send this to a friend