Втората генерација на кросоверот BMW X2 е значително поголема споредено со првата. Исто така, впечатлива разлика е и новата силуета која има купе изглед, а соодветно на годината на лансирање, оваа генерација добива и електрична изведба.

X2 ќе дебитира на 26 октомври на автомобилското шоу во Токио, додека комерцијализацијата е планирана за март следната година.

Како што спомнавме, новиот X2 е за 194мм подолг споредено со првата генерација. Освен тоа, тој е 21 мм поширок и 64 мм повисок.

Електричната изведба ќе има досег од 449 километри со едно полнење според WLTP стандардот.

Таа ќе биде придвижувана од два електромотори кои ќе бидат поставени на предната и задната оска. Системската сила ќе биде 313 hp и максимален вртежен момент од 494 Nm.

И бензинските и електричните изведби ќе се произведуваат на иста производна лента во фабриката на BMW во Регенсбург во Германија.

Новата генерација е опремена со голем број на системи за асистенција при возењето и паркирањето.