Slide

Новитети

Втората генерација на VW Amarok, која е креирана во соработка со Ford, цели кон премиум купувачите

Slide

Товарната носивост порасна од 1 тон на 1.2 тони, додека капацитетот за влечење приколка изнесува 3.5 тони.

08/07/2022

Со оглед на тоа дека пикап сегментот во Европа е релативно мал, VW со втората генерација на Amarok се ориентира кон премиум купувачите наместо деловните корисници.

Втората генерација на пикапот Amarok на VW, кој е резултат на соработката со Ford, е подолг од тековниот модел, има подобрени офроуд способности, а е надополнет со нова серија на системи за асистенција при возењето.

Очекувано, димензиите на Amarok се слични на оние на Ford Ranger. Двата сестрински пикапа користат исти погони и мотори.

Новиот Amarok е развиван во Австралија, a ќе се произведува во Јужна Африка.

Продажбите на одредени пазари ќе започнат кон крајот на годинава, а првите примероци се очекува да пристигнат во Европа кон средината на следната година.

Пикапот, со својата должина од 5350мм, е 100мм подолг од тековната генерација. И новата генерација ќе биде достапна со единечна и двојна кабина. Меѓуоскиното растојание порасна за 173мм, и сега изнесува 3270мм.

Товарната носивост порасна од 1 тон на 1.2 тони, додека капацитетот за влечење приколка изнесува 3.5 тони.

Amarok ќе биде достапен во 5 конфигурации на мотори: три 2.0-литарски дизел мотори со четири цилиндри со 150, 170 или 205 hp, потоа 3.0-литарски дизел мотор со 6 цилиндри и 250 hp, како и 2.3-литарски бензински мотор со четири цилиндри и 302 hp. Можни се варијации на овие мотори на различни пазари.

Новиот модел ќе може да минува низ вода длабока и до 800мм, споредено со тековниот чија граница беше поставена на 500мм.

Она што е значајно е дека VW го позиционира Amarok како премиум пикап, притоа вградувајќи во него над 30 напредни системи за асистенција при возењето, од кои дури 20 дебитираат кај Amarok.

Нов е и инфотејнмент системот, кој ќе може да се нарача со 10 или 12-инчен централен екран осетлив на допир, како и дигитална инструмент табла од 8 или 12 инчи.

Премиум впечатокот ќе го надополнува и аудио системот од Harman Kаrdon.

За купувачите ќе бидат достапни 5 нивоа на опременост, а од страна на Карстен Интра, извршен директор на VW комерцијални возила, најавена е и можност за електрификација на Amarok во иднина. 

VW Commercial Vehicles веќе продаде 830,000 примероци од првата генерација на Amarok во Европа, Австралија, Нов Зеланд, Африка, Азија и Јужна и Централна Америка.

Овие пикапи со капацитет за товар до 1 тон се особено популарни во Јужна Америка и делови од Африка, но нивниот пазарен удел во Европа останува многу мал. 

Веднаш по лансирање на првите генерации на свои пикапи, конкурентите од Renault, Fiat и Mercedes ги напуштија нивните напори за влез во сегментот, а истото се случи и со моделот Navara на Nissan, кој се произведуваше во Шпанија.

Во сегментот лидери се Ford Ranger и Toyota Hilux, a во одредени земји популарни се и Mitsubishi L200 и Isuzu D-Max.

Slide
Slide
Slide 1

Најнови содржини

CATL, најголемиот светски производител на батерии ќе гради нова фабрика во Унгарија со капацитет од 100 GWh
Бензинските и плаг-ин хибрид изведбите на Citroën C5 X пристигнаа во салонот во Скопје
Падот на продажбата во Европа му овозможи на Hyundai да го зголеми пазарниот удел за цел процентен поен на 4.7%
Great Wall носи два нови бренда во Европа, преку Emil Frey, најголемиот европски дилер на возила