Slide 1

Вести

VW Golf преку сензорите собира податоци за околината и анонимно ги испраќа до Bosch за креирање на мапи

Slide 1

Како дел од проектот, 8-мата генерација на Golf веќе собира и испраќа податоци со кои "Bosch" ги развива мапите во висока резолуција.

23/07/2021

Volkswagen и Bosch започнаа соработка која вклучува развој на мапи во висока резолуција. Тековната 8-ма генерација на нивниот бестселер Golf при возење ги собира ваквите подаоци и анонимно ги испраќа до “cloud” системот на Bosch.

Мапите во висока резолуција спаѓаат меѓу најважните компоненти неопходни за воведување на автономното управување на возилата, а податоците од кои се состојат ваквите мапи веќе се собираат анонимно од страна на возачите во сообраќајот.

Автомобилските производители имаат различни пристапи кон развојот на технологија која ќе овозможи автомобилите самостојно да управуваат во сообраќајот преку користење на софтвер.

Со цел да го забрза овој процес, Volkswagen започна соработка со еден од најголемите добавувачи во автомобилската индустрија – германската компанија Bosch, во врска со проектот “Bosch Street Signature”. 

Како дел од проектот, 8-мата генерација на Golf веќе собира и испраќа податоци со кои “Bosch” ги развива мапите во висока резолуција.

Возилата на на VW прибираат податоци во врска со сообраќајните знаци, ширината на лентите, банкините и слично. Ова се прави автоматски со помош на сензорите, камерите и радарите во возилото и без никаков ангажман на возачот.

Целта на ваквите мапирања е да се овозможи автономно управување на возилата и при лоши временски услови кога камерите и сензорите имаат ограничена функција. 

Во вакви ситуации, софтверот на Bosch ќе може да ги управува автомобилите и со помош на податоците собрани од останатите возила во сообраќајот.

Досега, само најновата генерација на Golf е вклучена во проектот, но во план е да се вклучуваат и идните модели на Volkswagen.

Најавата од страна на Bosch е дека првата комерцијализација на софтверот кој ќе ги користи вака креираните мапи се очекува во 2023 година.

Slide 1
Slide 1
Slide 1
Slide 1
Slide 1
Slide 1

Најнови содржини

Специјалнa верзија на Fiat 500X го тестира третото ниво на автономно возење на автопатите во Италија
Citroën претстави нов C3, специјално креиран за Индија и Јужна Америка
Volkswagen, по примерот на Tesla, планира да заработи стотици милиони евра од бесплатните Over-the-Air надградби
Првиот електричен автомобил на Xiaomi ќе пристигне во првата половина од 2024