Оливер Блуме, извршниот директор на VW Group најави поголема слобода за развој делегирана на брендовите во рамки на групацијата.

Ова значи дека брендовите како Skoda и Audi ќе имаат поголема независност во носење на одлуки за заштеда и ефикасност.

Групацијата дефинирала “работни програми” за секој бренд, алоцирајќи средства и очекувани продажни резултати, делегирајќи ја одговорноста на брендовите за тоа како тие продажни цели ќе се постигнат.

Г-динот Блуме за време на посетата на тркачката патека Хокенхајм го спореди концептот со еден фитнес центар, каде сите поединечно тренираат, сите поединечно ја развиваат својата мускулатура, што влијае и на развојот на целата група.

Групацијата, исто така, ќе се фокусира на вредност наместо обем. Минатата година оперативната маржа порасна на 8.1%. Овој резултат ќе беше и поголем доколку брендот Porsche не се одвоеше од останатите брендови.

Групацијата планира годишен раст на продажбите помеѓу 5 и 7 проценти, тренд кој треба да продолжи сѐ до 2027 година.

Овие планови се развојни, со оглед на растот од 1.1 до 1.2 проценти во последните две години.